樂天關懷行動

愛心糭.展關愛

2013-06-03,佳節當前,《銀杏館》及《香港廚房》延續關愛長者的精神,再度配合【樂天關懷行動】,承傳「營商創福利」,舉行「愛心糭.展關愛」,對象除了獨居長

更多
縣,重建的路上有您的鼓舞

2013年4月20日四川蘆縣7級地震,摧毀了無數家園,但沒有動搖你我關愛的心。中社企《銀杏館》及香港廚房先於4月22日-4月26日結集兩館小費,然後,協同【樂天慈善基金

更多
和叔自傳款項捐贈

2013-03-28 和叔自傳款項捐贈 銀杏館及香港廚房定期舉辦慈善活動,將關愛由餐館傳揚至社區每一角落。我們的首位長者員工,仇鉅和(和叔)一生的願望是能出版一本自傳

更多
關愛年初二之同一天空下

2013-02-11,這天正是我們一年一度的關愛年初二,一如往年,我們邀請了一群低收入家庭,其中包括單親家庭及綜援人士在《銀杏館》太子店免費享用一頓人情味豐富的

更多
銀杏到會獻關懷

踏入2013,在新一年中,《樂天關懷行動》繼續以行動去關懷弱勢社群,2013-02-04,送出由《香港廚房》製做的盆菜到長沙灣浸信會愛群社會服務處,服務對象為獨居長者

更多

2011傑出社企婚宴囍動囍動 - 銀杏到會 - 中西式婚宴 - 饒宗頤文化館 - 婚紗攝影銀杏到會

囍宴餐桌回禮,自選各式曲奇口味:法式曲奇、綠茶曲奇、香草曲奇、牛油曲奇等。

更多

【溫的風】樂隊成立始於 2012年2月29日,為【薦仁館】促成的全港首個長者樂隊組合。 What a Wonderful World, What a Wonderful Band !

更多

「SEExchange - 合作社企劃」,為中社企《銀杏館》在未來進一步推動長者就業的其中一個重點企劃。 SE,是社會企業英文 social enterprise

更多

首頁

列印

豁達人生密碼

一部達文西密碼小說捲起過的旋風不止一年,由熱捧中文譯本到追回看原著的原汁原味,繼而受催眠走進影院,再到二手書展搜獵焦點仍是以搶購不同版本為目標,似乎人們對解碼仍有深深的情意結。

"Di do do... di do do ...di do do ....A for alpha....B for bravo...C for Charlie......"

聽Jimmy叔叔在回想以往在大東電報局的工作情景時,看他發揮一貫的幽默,以急口令形式學著發報密碼的聲音,又勾起了對摩斯密碼久違了的兒時印象,複雜而神秘。

生命還有很多未解的謎。

如對一間機構三十年的忠誠,在現今社會已成了天方夜談,尤以「不在乎天長地久」這七個字,仍然被新一代視為金句的今天,但從他的人生浮光掠影,也許可以為你的人生多多少少的不知,解一個碼。

一半因為工作,一半因為際遇,Jimmy叔叔懂得多個語言,例如英語、日語、法語、西班牙話、韓文、印尼話及意大利話,就是當年的工作為方便跟機場的控制塔溝通,得來不易的一身好功夫,是不斷受訓的成果,而第二次世界大戰的三年零八個月的艱苦歲月,就在日本帝國主義的壓迫下學成了日本語。

曾經聽過一位前輩說,語言是打開金庫的鑰匙。

Jimmy叔叔就憑良好的語言能力,打開了人際關係的密碼,在離開了電報局之後,轉至客戶服務工作,在高級健身會所Seasons工作,跟不同國籍的人士打交道,他對客人的真誠,還有他對工作的熱誠,在加入銀杏館工作後,再一次得到印證。

銀杏館熟客差不多每位都知Jimmy叔叔深懂好客之道,舉凡他知道當天有客人生日的話,就會以英語、日文及廣東話唱出一首生日歌串燒,為客人的生日聚會畫上完滿句號。想欣賞嗎?在youtube可以找到。

又大力,又肯做

一句 "係銀杏館收留咗我哋!",就是Jimmy叔叔對銀杏館盡顯忠誠的心底話。

跟很多長者一樣,Jimmy叔叔都認為現階段工作,一不是為名,二不是為利,只衷心覺得銀杏館的工作很有意義,可助宣傳香港文化,證明退休人士對社會仍有貢獻,是人盡其才,人盡其用。

"呢個社會越嚟越老化,負擔越嚟越重,我唔想做社會嘅包袱,一代還一代,唔想用納稅人錢,唔想年青人咁辛苦養阿伯,情願自己執汽水罐,能夠做就做,不遺餘力,況且工作令人有番自尊心,有成就,同政府慳錢,返工就當運動,身心有益。"

受聘《銀杏館》七年下來,Jimmy叔叔累積的食客粉絲不計其數,甚至食家名人也成朋友。

"蘇絲黃呢,喺呢度訪問過幾次,佢叫我做小露寶,成日問我食咩架,係咪成日食補品?意思係講我點得身體咁好呢!其實我都冇點食咩,食雜糧多,因為我家下住寶雲道,就成日行山囉,朝早行完山至返工。"

"托賴,我眼力都幾好,有人手痛腳痛,有老人病,血壓高,我身體仲好,多數留喺屋,甚少出街。"

"我冇咩優點,平平凡凡,最好開多幾間銀杏館,因為你知道嗎?我地長者有政府補助,唔似老闆冇攞資助,間餐廳頂番嚟,要裝修費,真金白銀喎!"

"脾氣好好,人事好好,唔係自己讚自己,冇咩得罪人,冇咩做對人唔住的事,冇犯過法,最開心係冇咩負擔。"

加入銀杏館之後,工作對Jimmy叔叔起了很多變化。

"改變有好多。喺呢度做,人事複雜,我都唔明白,可能係自尊心,有D人就有野心,有D人又驚搶左份工,你問我嘅願望,我已經寫晒出嚟,希望銀杏館繼續做,我地搵工做,人地會講多謝晒,遲D打電話俾你,所以我同銀杏館係唇齒相依,不遺餘力,總之和和氣氣,大家開心。我咩未見過?6兩4米,3年8個月都係咁過,我1932年,而家81歲(亦為《銀杏館》最高齡的長者同事),識日本話,Japan Emperor British Emperor,嗰陣逼我地學,攪到家陣我亂晒添!"

身為銀杏館的語言通,Jimmy叔叔本身先在台大修讀經濟,但讀了7個月後,覺得不喜歡,就返回香港理工修讀電訊。在台灣的7個月,偶遇了好一段美滿姻緣。

"成日返工,冇機會大花筒,至多月頭食多D,有時去下旅行囉,台灣、日本、芭堤雅、星加坡都去過,大陸就去過北京、黃山呀咁。成日返台灣呀,因為我老婆係台灣人,我地係一齊讀書,係台灣七個月,唔習慣就都係返左香港,但係就仲有同太太聯絡,嗰陣佢四圍帶我去玩。"

有些時候,懷念就是一種遺憾。

"當時住加路連山道,係兩層洋房,有前後花園,係細個住的地方,有「吳宅」兩個字,係高尚住宅,讀聖保祿,嗰陣未有維園,想番起都幾出風頭,一年班就已經攞到全港戲劇第一,最驚係日本仔轟炸,地毯式轟炸,炸保良局一帶,即係現時PCCW後面,我哋就走入防空洞!當時舅公去換米,但係一出嚟就俾人搶晒,可能就係遺憾啦,我出世時爸爸做五金生意,賣銀 Silver,但係當時就當軍用品充公晒,嗰陣我地吳家係大宅,大埔有田,後來被清算,咩都冇,所以錢係勤苦得嚟,但係到我出身後,老豆已經唔喺度,想俾佢教訓都冇機會。"

樹欲靜,只見Jimmy叔叔眼泛淚光,閃過可是多年前老父的模樣?

人生,有什麼值得自豪的地方?

"當時做台長,手下有一百人,同海事處合作,處理SOS case,injury,emergency,on fire,sinking,要準確報導出事位置,同啟德舊機場合作,責任重大,每個人都有一個崗位,要自己孭飛,人命攸關,每件工作都要寫log book,失職係刑事呀!仲有獎牌囉,攞過好多,D相喺晒手機度,我有4、5部電話,全部都係個女送,佢一換電話就將舊嗰部俾我。"

"我有五個願望,已經寫低過埋膠,交左俾老闆郭姑娘。實在銀杏館在網上好出名,澳洲都有人識,老實講,請人梗係請年青力壯啦,我地老人家走動慢,腦筋唔好,我成日都話我地老闆好,係銀杏館收留左我地。"

"記得老豆講過,世界越嚟越難撈,人浮於事,唔長進,就唔夠人競爭,要俾心機。"

2013最新產品

關於家有一寶

「家有一老,如有一寶」是中國人的傳統智慧,因為長者具有珍貴的人生歷練,各具經歷年月洗禮的專門手藝,每一位都是時代的瑰寶。

更多
真空包裝

「家有一寶」系列,選用真空膠罐包裝,清潔衛生,確保長期存放可保質保鮮,鋁質拉蓋設計,方便使用,另加獨立膠蓋,可延長保鮮期限。

更多

訂購‧優惠

香廚下午查

你會因為某食店獲得米芝蓮點名讚揚而追星惠顧嗎?

如想進一步提供資料,請 聯絡我們 或致電 2810 9211 梁小姐。

珍友耆事

陳SIR – 見證歌賦街的歲月如歌

越多經歷越精彩 《銀杏館》慶祝七週年,陳Sir帶同了兒孫一同到來祝賀,更特意穿回一條舊公司的綠色制服褲,似是要告訴

更多
Jimmy叔叔 – 令人一聽難忘的四國語言生日歌

豁達人生密碼 一部達文西密碼小說捲起過的旋風不止一年,由熱捧中文譯本到追回看原著的原汁原味,繼而受催眠走進影院

更多

中社企《銀杏館》

曾榮獲多個奬項,包括:

  • 2013 「香港良心僱主品牌」及「香港社會企業品牌」
  • 2013 「滙豐營商新動力」之「社區參與獎」優異獎
  • 2012 微笑企業大獎
  • 2011 Umagazine我最喜愛食肆西菜餐廳
  • 2011 OpenRice 最優秀開飯法國菜餐廳

滙豐營商新動力獎勵計劃「卓越企業品牌」選舉